من ضیم العلی شلت الحزن عل راس
او علاگت قهر من امشی شایلهه
احاچی الناس واضحک وانه کلی اهموم
او ما اذکر ابد خشنت خاطرهه
کلمات الادیبه الدویرجاویه
خجلت وگلبي راد ايشيل ويهي
مرض ضكني يصاحب ذيچ ويهي
اروح المن اذبن ماي ويهي
ابخلوص اندب علي حامي الحميه
(الشاعر ناصر نجم الفرحاني)
عگلی مایشت یاصاح ویهای
منی اومایخربص ذیچ ویهای
اذا انجبریت اذبن مای ویهای
اذبن بس عله اسداد فیه
(الشاعر علی مجدم)
اگل عگلي اليريد ايهيم ويهي
لا تخلط بلوتك ذيچ ويهي
اروح المن اذبن ماي ويهي
عزيزه إحچايتي اوتصعب عليه
(حبيب ابو مكي العتقي)
ابعرج دمک خلهه تسری الخوه وبجسمک تشیع
وطلسم حکهه ابدلیلک اسم گومک لایضیع
بلگلب خلیهه تسمل مثل مگبرت البقیع
کل ماتعتگ تحی الشيعه
****
حلوه امثال اهلنه اهوای مشبوگه ابدلیلی اشباگ
دیره الما اهلهه اتخون گالو ابد ما تنباگ
اخذ معنی المثل یاخوی کلمن گعد حدر ابراگ
عن لا یمن باهل الدیره
(الشاعر عامر السعدي)
نزلت حورمن جنة الفردوس
اتريد اتقیس حسنک وی حسنهه
شافت دنگت مارفعت الراس
لئن رمشة اعیونک دوخنهه
*****
مسچ عنبریفوح زیج ولفاک
وبین ارموش عینه ابشوگ ولفاک
لماه السل سبیل العذب ولفاک
خمرمن جنة الفردوس میه
(الشاعرسيدحميدالنوري)
لو شفت شال الزمان اعلیک رایات المحن
دونک العباس اگصده و اوگف اباب الصحن
گله یمتدن ادیه الغیر جودک یستحن
لو دُر من غیرک ماریده
****
لو شفت شال الزمان اعلیک رایات الحرب
کون ما تشتکی اهمومک لأهلک و لا للغرب
اگصد العباس ومشی وأخذ عنوان الدرب
من ناس الگبلک ماشینه
****
لو شفت صدرک یخویه اهموم وأحزان انشحن
اگصد العباس هسه و سولف احذاله المحن
گله متعنیک اجدی ابهوسه یم باب الصحن
ولزینب خل ربط الهوسه
****
لو شفت عندک مشاکل ولهه حل ما ینوجد
انا ادلیک ابطریقه اتحلهن اچفوف المجد
اگصد العباس تلگه املوک تکنس بل عجد
وضفهم بیده الخطاره
****
لو شفت عَن الزمان اعلیک خیل امحجله
ارکب الشگره الأصیله الغیر کحله امکحله
قاد من توصل ترجل ومشی حافی ابکربله
او کل عشر امتار اسجد نوبه
(الشاعر العباسی حسین ابو علوان الناصری)
جنبهه الکرامه ابعید لوشفت الوکت ممصوخ
اوبالک لو عرالک سیف تریه البلفلس متفوخ
القصره امنل ذهب لوچان یعتازک یبیت الکوخ
چم طیر الحط فوگ النوشه
خل ثوبک ابصافی المای بلعز کل وکت مغسول
وذا ردت ابجلاله اتعیش ابدگ للمثل شیگول
کف گال الاصول اوصیک احسنلک من المحصول
اولوقصرک ذل کون اتعوفه
(الشاعر احمد جاسم لهليچي)
العسر لو عزم ایلاویک ودیل الکرامه ازماط
اولو یفرض حصاره اعلیک سکله امنل القناعه انواط
ابسوگ الشرف گص الخام والبسلک عل الج قاط
اوجدامه الکشخه امرگ بیهه
المجالس مدرسه ایگولون والسان العرب دیوان
الواجب نخدم ارسومه اونعنز الدله والفنیان
تراثک والاسم یفلان خلیهن الک عنوان
موعربی الیفگد عربیته
(الشاعر جاسم الهلیچی)
الدهر للماگوه إبعزمه ورکحیل
إله إبقسوة گلب یسحگ ورکحیل
خزي أمنیگحص أبغیلن ورکحیل
لکحیل اکحیل لز وغدت عیه
(الشاعر جبار القنواتي)
هلی ثوب الکرم لایگ علیهم
هلی ما نکرو اولایت علیهم
هلی المهموم ما خلو علیهم
هلی شیعت علی داحی الباب
(الشاعر محسن ابو عباس مزرعه)
وحگ من شرف الكعبه وطيبه
الاخو ماينسي فضله وطيبه
الخوه للجرح مرهم وطيبه
اليريد ايطيب يحمل وژع اخيه
(الاديب المحترم سيد شاكر النوري)
اذب روحي ابداهي الحب فملها
ومن شن الحزن دايم فملها
اعيوني وريت هم يوجد فملها
وتفل فمها وتگول اصار بيه
(الشاعر منصور الصرخي)
المصايب عافن الوادم ويني
ومشعل صارن ابگلبي ويني
الفرح باگه العسر مني ويني
وحط عله ابكبر حمرين بيه
(الشاعر علي القاسم البدوي)
احبابي الگطعو الفيه ويولي
يروحي ابشوفهم فرحي ويولي
اشموع ابليلي المظلم ويولي
كبر ضيهن ضاو وضوا الثريه
(عبدالزهر التميمي)
ابطريجي المح محن كل وكت ورگه
وعليهن ما اتعب الجفن ورگه
انا ويل بخت وقعت ورگه
سند مادوس لوينداس بيه
(الشاعر ناصر الفرطوسي)
ردتك تجيني ابيوم دنياتي مالت
طاح الحمل وانوب شماتي شالت
(الاديبه الدورجاويه)
حبيبي امسهر العشاگ ليلاك
ابكثر نوحي ونحيله اعضاي ليلاك
اريد الله يحرمك نوم ليلاك
مثل ما حرمت نومي عليه
(الشاعر الكبير عبود الحي سلطان)
اوي من نار شوگي وردت بسن
تشب خمره لماها الزهت بسن
گبل لا تبلغ التكليف بسن
هواها ابيوم طفله انمزج بيه
(الشاعر المرحوم ملا محمد المايود)
بس انته البگيت الملك يابل
ابارض الذل تنوخ عيب يابل
الوفگ گد ماعسم وياي يابل
الفقر والعسر دلاهن عليه
(الشاعر اوداعه لبريهي)
يدهري المالگيت اضعف وركحيل
فوگي اشماردت دسحگ وركحيل
يغثني ابغيل لمگحص وركحيل
يدچ والخيل كسرت چم سريه
(الشاعر تركي الظبي)
ماهم لون شفت البين گعد بچفوفي وايگصص
يهمني ابغيل ليباطح وره اكحيله هلي امگحص
اشما تنخاه بلكلفات تدگ برچابه وايعنفص
وايعور الرايد موچابه
(الشاعر عامر البواريز السعدي)
لاحظ طير سعدك بالك اتشيهه
والمحيبس يريد ارجال لتذيهه
المو لاعب ابسع ايبين ابويهه
من كسر اليمه ايحل ايده
(الشاعر اغلام علي لحميداوي)
الهي اشذنب گلبي ابسيف ينگص
وگبل بدء الجنايه علي ينگص
اشتظن لو مخلقتني الكون ينگص
وباچر من اموت اتصير فيه
(الشاعر عبدالكريم لهلال الخنفري)
بيتك بسلف مابعد ميلين
واحبك ليش گلبك علي ميلين
اسقيني من لماك العذب ميلين
جمر شوگك حرگني وعمل بيه
(الاستاذ الكبير ملا فاضل السكراني)
علي الخوان اجر اجرير حادو
ونفس جرناس ماني نفس حادو
الماعده عمام الزلم حادو
علي حگه ويسطرونه الضحا
(الشاعر الراحل منان الشبيب الزبيدي)
غرامك طعن لب احشاي بسم
هري والسمهري هم چان بسم
دحن يل ماتحن فد نوب بسم
الي وخل تنجلي اهموم العليه
(مصطفي كثير)
یا نواظرلل احبهم هلهلی
گومی یا ام ال اماجد هلهلی
وخل نحط الشوکه بعیون الطغات
********************
الردی درب الغبر یمشی یعربی
وصبح بس حاوی الذله یعربی
احشم اعضیدی النشمی یعربی
نضل لاوین سکته الهل قضیه
(الشاعر العزیز حسین العگیلی)
الیغرگ ابرویات الله الیعینه
وانا اغرگت بهواک چا الله وینه
انته الگلب والروح واعیونی انته
ومن ابلشت بهواک حتی الله عفته
یملک جمال الکون انا الهویته
لن الله من سووا صافن لگیته
(الشاعر المبدع یونس الریحانی)
صدگ وحگ الذی ینعد ملک لامته
متگلی هاذه البعد ها یامحب لامته
انه الحنین الذی کل الخلگ لامته
ونته ابد ماهزتک طیبه وعلیه تسل
واعیونی من فرگتک ادموم لجلک تسل
واسیوف هجرک بعد جای و علیه تسل
باقی جسد محترگ واهدوم بس لامته
(الادیبه المبدعه الدویرجاویه)
.: Weblog Themes By Pichak :.
